Muchanan di Mundo nobo ta nos tur. Nos tur tin concientizacion spiritual, pero solamente nos no ta conciente tur ora con e ta manifesta su mes. Awendia atrobe muchanan ta illustra kiko esaki ta. Nan ta contemplá sociedad intuitivamente, nan ta conciente di nan mes y no tur ora nan kier adapta na e mundo di lógica y analítico.

          E muchanan ta manifesta comportacionan fuera di normanan cu no tur ora ta acceptabel. Simplemente nan ta mustra interés pa asuntonan cu internamente nan ta scohe y ta sinti un sorto di coneccion cu nan. Muchanan kier ta nan mes. Esei ta spiritualidad den bida diario!

          Hopi mucha tin sintimentonan particular pa hopi façetanan di existencia, tanto pa esun cu mundo ta mira of esnan cu ta invisible. Esakinan por manifesta nan mes den presentimientonan di e ambiente y energianan di otro. Nan comportacion hopi biaha ta forma un spiel pa nan cosnan rond di nan. Informacion y impresionan na abundancia por sali for di nan mes. Algun di nan ta haña paz ora cu nan ta den contacto cu naturalesa, otronan door di balia y haci deporte.

          Nan manifestacion y experiencianan interno no tur ora ta haña e reconocimiento di e bida real diario. Asina por sosode cu nan lo bai duda den nan mes.

          Muchanan kier wordo mira den nan calidadnan precioso cu nan tin! Ora cu nan no por haña comprension nan ta bai manifesta comportacionan di acuerdo cu esaki. Falta di comprension ta afecta bida di hende profundamente.

          “Pa haña bo caminda ariba mundo“ ta core diferenta pa cada mucha. Ta pesei tin biaha muchanan ta cohe nos pa sorpresa pa motibo cu nan desaroyo no ta cuadra cu esun cu nos conoce. Hopi biaha tin diferencianan den e desaroyo di nan calidad intuïtivo fisico, social/emocional y psichico.

INFORMACION TOCANTE MUCHANAN DI MUNDO NOBO TA IMPORTANTE!

     Informacion ta importante pa hendenan rond di e mucha. NO pa e muchanan mes, ya cu nan ta, loke nan ta. Concientizacion ta aumenta y esaki nos ta contempla principalmente serca nos jiunan. Nan tin identidadnan, característicanan y muestra den nan comportacion cu cual mayor ni cuidadornan no sa con pa anda cu nan. Muchanan tin mester tambe di un otro forma di guia cu e generacionan di antes. Esaki ta exigi bastante for di mayornan y cuidadornan. Fundacion Muchanan di Mundo nobo kier respaldanan den esaki door di duna informacion. tocante e manifestacionan aki cu mas y mas mucha ta bin ta reflehando y tambe e consecuencianan cu esakinan ta trece cu né pa nan educacion, den enseñanza y ayudo.

CON MI POR SA SI MI JIU TA UN MUCHA DI MUNDO NOBO?

Saliendo for di e pensamento di ''Stichting Nieuwetijdskinderen'' di Hulanda nos tambe ta di acuerdo cu tur hende ta un mucha di mundo nobo. E terminologia a wordo introduci na aña 1997 cu e pensamento pa mustra claramente cu mas y mas mucha ta illustrá cierto caracte-rística y expresionan den nan comportacion cu ta pertenece na un figura humano spiritual. E no ta un  “stempel cu ta crece'' pa identificá e mucha, ni tampoco nan ta un ''grupo di clase aparte''. Naturalmente nos tin di reconocé sí cu algun mucha ta illustrá mas comportacionnan specífico cu otronan, pero esaki no ta nos punto di salida

Por tin varios motibo pa esaki. Algun di nan ta:

¨ No ta tur mucha ta manifesta nan spiritualidad ariba maneranan explícito. Por ehemplo tin mucha tambe cu solamente nan presencia ta suficiente pa motibo cu den nan vecindario nan ta hunga un rol hopi importante. Pensa ariba muchanan cu limitacionan mental. No ta tur ora nan mayornan ta experiencia for di nan ta kende nan(mayornan) mes tá.

¨ Nos propio creencia ariba kiko spiritualidad mes ta por stroba nos di mira kiko realmente ta pasando. Pensa un rato ariba e pensamento tocante “muchanan fastioso”. Cu nan comportacion muchanan por tene un spiel nos dilante cu cual nos no ta keda contento tur ora cu né. Tog e comportacion aki siguramente lo por contribui na mas concientizacion.

¨ Loke e muchanan ta manifesta ta posibilidadnan cu nan tin den nan personalidad. Un mucha cu un limitacion mental no por laga nos mira e característicanan di comportacion cu nos a mensioná previamente. Esaki lo no bisa nada di su spiritualidad. Anto ta necesario pa reconoce un criatura spiritual den cada mucha y duna cada mucha e espacio necesario pa asina nan por manifesta ariba nan mes ta kende nan ta. Nos definicion anto tocante spiritualidad ta pa ''bo ta bo mes''.

MI TIN PROBLEMA CU MI JIU, TIN YUDANSA PE?

Na Aruba no tin mucho Terapista Spiritual conoci ainda ariba e tereno aki. Si nos por sugeri bo pa tuma contacto cu e 2 conocedornan ariba e tereno aki cu ta: Belquis Moreu y Sharon Alexander den e centro di Moreu Facilitation den Ierlandstraat #2, of Shahaira Brokke na su "Praktijk voor Spirituele Energie", tambe den Ierlandstraat na Playa.

Admas nos tin cu mensiona cu e Terapistanan cu nos a mensiona tin nan practicanan individual. y nan ta traha bow di nan propio responsabilidadnan. No ta na nos pa indica cual di e Terapistanan ta esun mas adecuado pa bo jiu. Nan ta wordo considera como nos colaboradornan y nos ta laga cada uno di nan pa bisa nos for di cual diciplina nan ta traha y ariba ki clase di keho nan ta prefera di yuda nan clientenan.

Ta deber di nos Fundacion pa tene sessionan di concientizacion cu tur nos Terapistanan y cu otro Servicionan Medico di mucha pa nan colabora cu nos y pa por tene cuenta cu e punta di salida di Fundacion Muchanan di Mundo. Den futuro nos lo spera di por tin mas Terapista hunto cu nos.

Nos ta sali for di e punta di bista cu esaki tin di haci cu un proceso evolucionario. Miles di añanan pasa ainda nos tabata usa lanza. For di e tempo ei hopi cos a cambia. Ariba hopi tereno e fase humano a pasa atravez di desaroyonan largo. Por a nota cu durante e ultimo cien añanan e fasenan aki a sigui otro hopi lihe. Na e momentonan aki nos ta para ariba e punto di desaroyo di hende den e periodo technologico pa hende spiritual y intuïtivo. E proceso aki ta tumando lugar ariba henter mundo. For di tur parti di mundo ta jega informacion cu hende na tur pais y di tur cultura ta reconoce e manifestacionan aki. SI nos por bisa, cu e accento por varia di cultura pa cultura.

Fundacion Muchanan di Mundo Nobo ta di acuerdo cu Stichting Nieuwetijdskinderen di Hulanda cu nos no por haci ningun declaracion ariba asuntonan esoterico, realidadnan di bida of religioso. Nos tur den e Fundacion por tin nos ideanan, pero nos a yega na un acuerdo cu lo tene nos creencia personal ariba e asunto aki pa nos mes. No solamente nos lo evita di cai den discusionan di si ta SI of NO, sino tambe nos lo preveni di proyecta nos propio realidadnan ariba mucha. Muchanan tambe tin nan propio idea tocante for di unda nan a bin y kiko nan a bin haci na mundo. Nos ta mire como un di nos debernan pa pidi e espacio pa esaki por tuma lugar. Na momento cu nos kier pa nos creencia personal sobresali, esaki no ta posibel mas. Sinembargo esaki no kier meen cu nos no ta laga e muchanan tuma nota di diferente ideanan. Esaki lo por duna nan e sosten pa pone den palabra tur loke cu nan mes ta sinti internamente.

TA EXISTI E POSIBILIDAD CU MI JIU LO POR TIN PROBLEMA CU ADD Y ADHD OF E TA UN MUCHA DI MUNDO NOBO TAMBE?

E contesta aki nos no por contesta sin mas. Pa esaki lo bo tin mester di e conocemento profesional di un terapista. E por ta un mal entendimiento si nos sali for di e punta di bista cu esun ta exclui e otro. Hasta un mucha intuitivo lo por tin un of otro estorbo. SI nos por ta di acuerdo, cu mayornan, educadornan y dunadornan di servicio di mucha, no tur ora ta di acuerdo cu e label cu e muchanan aki ta haña geplak ariba nan frente. Nan ta reconoce den nan juinan un hende delicado e intuitivo cu calidadnan bunita, mientras cu un dunador di servicio ta papia di mucha cu un handicap. Esaki por ehemplo lo por tin di haci cu un diferencia di opinion (entre mayornan y/of e school) tocante e forma di comportacion por ta un molester, pero tambe un diferencia di opinion tocante kiko ta causa e comportacion. Den yudanza medico ta haci un diagnostico a base di sintomanan y e desaroyo di e malesa. Pa loke ta trata e topico aki, segun ta ser bisa, ainda no a haña suficiente prueba ariba nivel cientifico. Pa e motibo aki e tratamentonan tambe ta basa ariba sintomanan. Esaki ta causa resistencianan fuerte serca mayornan y cuidadornan di mucha. Principalmente serca esnan cu ta experiencia comportacionan como señalnan cu motibonan ei tras. Por ehemplo cu na cas of na school no ta tene debido cuenta cu e nececidadnan di e mucha, of cu e mucha ta delicado pa cierto nutricion, pa toquenan pafo di su sentidonan y pa e ambiente rond di hende. Tambe ta sosode cu tin mal entendimento entre mayornan y dunadornan di servicio tocante e comportacion di muchanan. Intuitividad conciente tin algun caracteristicanan hopi specífico (nos ta referi na e buki ''Nieuwetijdskinderen'') cu ta bisa cu muchanan por manifesta aparicionnan for di e aspecto autistico of aparicionan cu ta bini di ADHD. Si no tene cuenta cu esaki e muchanan ta haña un label inhustamente pegá ariba nan frente. Por ehemplo kiko bo ta mira si acaso un mucha no por concentra ariba su trabou? Un mucha cu falta atencion, of un mucha cu realmente no ta wordo mustra ariba su propio interesnan interno? Pa tratamento di e mucha aki esaki ta haci un diferencia.

Conciencia Intuïtivo y Dyslexia

Por duna hopi declaracion tocante e comportacionan aki. Pero conciencia intuïtivo ta un di nan. Muchanan cu conciencia intuïtivo ta aregla e mundo aki den figura, color, holo, smaak, sonido, gevoel, recuerdonan y emocionnan. Esaki ta completamente un estilo diferente di e necesidad di voz pa por lesa of scirbi. Carla Muizert di Stichting Nieuwetijdskinderen na Hulanda a describi esaki en detaye den su buki “Nieuwetijdskinderen''. Den e mesun rosea nos ta recomenda tur hende pa leza e buki ''De gave van dyslexie'' di Ronald Davis. Por bestel e bukinan aki for di Stichting Nieuwetijdskinderen.

TA TUR MUCHA DI MUNDO NOBO TIN EXPERIENCIANAN DI PARAPSIGOLIGIA?

Laga nos splica promer un mal comprondemento:

Experiencianan di Parapsigologia nos ta mira eventualmente como parti di e existencia di conciencia intuïtivo. Tambe ora ta existi experiencia pf donnan di parapsigologia esakinan no ta carga ningun condicion pa spiritualidad, pues tampoco ta indica ningun nivel ei den. Bow spiritualidad nos ta compronde: DI SER BO MES!

TA TUR MUCHA DI MUNDO NOBO TIN DONNAN HALTO DI INTELIGENCIA?

Tur mucha ta inteligente na nan manera. Esakinan lo manifesta ora cu nos por mira tur e muchanan aki manera nan ta, den nan propio formanan intelectual, sin haci distinccion. Esaki ta nifica cu a yega tempo cu sociedad tin cu laga los for di e aprecio di mas cu ta existi pa cierto calidadnan y alavez ta necesario pa enseñanza sali for di e punto di bista di inteligencia como un realidad mas hancho.

NO, no ta tur mucha di mundo nobo ta vegetariano. Nan ta bira mas conciente si di nan mes, y tambe di nan curpa. Di mes nan sa cu si nan curpa tin mester di carni, of sea cu e cuminda aki no ta bai cu nan. Esaki ta exigi di mayornan pa nan ta mas flexibel, contrario na nan moda di pensa.

MI TA DESEA PA MI JIU SIGUI SU MES SENTIMENTONAN. LO MI TIN DI DUN'E SU GANA TUR ORA?

Esaki no ta asina. Tin diferencia entre loke cu muchanan kier y kiko ta pas na nan. Como mayor tin algun biaha cu bo ta sinti cu bo jiu ta pidi bo algo cu realmente ta bin for di su propio sentimentonan, y algun biaha bo ta sinti cu bo jiu ta buscando limitacionnan y clarificacion. Por ehemplo Chichi cu Bubu, ambos di 13 aña di edad, a keda sinta den  brugklas. Tur dos kier bai un otro school bou di e pretexto cu un otro sistema di school lo paz mihor na nan. No obstante Bubu a haña aprobacion di su mayornan y Chichi no. Pakiko, pasobra e mayornan di Bubu ta sinti cu un otro school realmente lo pas mihor na dje. E mayornan di Chichi sinembargo ta sinti cu nan jiu muher ta purba di desvia di e responsabilidad di su propio comportacion. E aña cu a pasa ela neglisha y awor e tin berguenza pa bolbe un otro aña den brugklas. Chichi a persisti y a sali bon. E siguiente aña ambos a haci hopi bon mes. Bubu, pa motibo cu su escohencia tabata pas na dje, y Chici pa motibo cu ela siña tuma responsabilidad pa su propio comportacion.

No ta existi schoolnan special pa Muchanan di Mundo Nobo. No ta necesario pa esakinan bin tampoco pa motibo cu nos ta sali for di e punta di bista cu consencia di tur muchanan di awendia ta aumentando. Ta necesario pues cu henter nos sistema di enseñanza tin di tene cuenta cu esaki. Den e ultimo añanan algun schoolnan básico privá a wordo fundá. E motibonan tras di esaki hopi biaha ta debí cu nan kier duna e muchanan cu no por a cana e caminda di enseñanza básico mas, e espacio aki. Rond Mundo por mira esaki como un señal cu hende ta birando mas conciente cu e sistema di enseñanza actual pa hopi mucha no ta funccioná mas. Den e schoolnan aki ta sigui e desaroyo di e muchanan di serca. Nan ta haña e espacio pa haci nan escogencianan for di nan necesidadnan y interésnan interno. Toch tin movecionan cu ta tumando lugar den e sistema di enseñanza na Hulanda.

· Durante e ultimo 3 añanan mas di 20.000 hende a atende e lecturanan cu de Nieuwetijdspunt a duna. Un cantidad grandi di e hendenan aki tabata di enseñanza. Ariba nivel di maneho ta berdad cu no ta tene cuenta tur ora cu e cambionan cu ta tuma lugar den e concepto di hende, pero sí ariba nivel individual esaki ta tumando lugar. Y ta net esaki ta loke e ta encerá. Bo no por asercá un mucha for di un sistema specífico, pero solamente for di bo curazon. Y esei ta depende di esun cu ta pará dilanti di Klas.

· Ta parce cu hopi studiante na Hulanda ta interesá ariba e tópico aki y pa nan tésis final tin masha hopi studiante tambe cu ta haci research tocante Muchanan di Mundo Nobo.