Despues di a lesa e articulo ku a sali awe den Diario mi a para ketu un rato. Tur loke a wordu menciona mi por relaciona
mi mes ku nan di un forma of otro. Di leuw mi tabata sigi of tende di tur loke tabata ser bisa/skirbi di e "muchanan di mundo
nobo / crystal /Indigo pero komo algu tipikamente di mi, mi no ta djies acepta algu ku ta wordu bisa of comanda, mi no tabata
waak e interes pa sigi esaki di serka. Pero awor despues di a lesa e articulo, aunke ainda mi no ta convenci di tur loke mi
a tende anteriormente, mi ta fasina pa reconoce mi mes sea na mucha, adolesente of awor na adulto den loke tin skirbi komo
karakteristikanan di e mucha/adulto Indigo.
Na jong y te ainda mi ta rebeldia kontra tanto kos ku pa mi ta asina emocional y pa otronan e ta djies algu ku ta pasa.
Nunka mi tabata e mucha ku nan por a mandami sinta of keda ketu ku un mangel, nunka mi a gusta e autoridad sin explikashon,
na jong hopi biaha mi a sinti ku ami ta stranjo, paso ta ami so den tur mi rumanan y amistadnan tabata waak kosnan di un angulo
diferente. Mi amor & compashon pa otronan ta grandi pero mes grandi ta e afkeer ku mi tin den e filosofia ku hopi di otronan
ta biba y kere aden y esei ta hasi ku mi nunka lo ta feliz den un empleo na unda mi tin di duna servicio. Diferente ta si
mi mester duna ajudo kual mi ta hasi ku mil amor. Semper mi tabata tin e don di un of otro manera ta e lider den loke ta anda,
jamas mi a conforma ku menos. PA lider ku semper mi ta tog ta parse ku mi tin un corazon hopi moli, mes liher mi rabia mes
liher mi ta jora.
Mi ta un persona sumamente inteligente aunke na school nunka mi a briya pa mi puntonan. Mi ta korda ku na un school sekundario
nan a laga mi hasi un IQ test 2 biaha pasobra nan no por a kere ku mi por a hasi esun prome asina bon. Y asina mi a sigi henter
mi bida, mi a studia & biba afor anto nan a test mi mas di 100 biaha anto tur biaha e mesun resultado, score sumamente
halto. Y hopi biaha esaki atrobe tabata motibo di conflikto/konfrontashon ku e "expertonan" (maestro/mayornan/rumanan grandi)
pasobra si mi ta asina inteligente pakiko no usa esei pa logra mihor puntonan? No mi nunka a gusta e authoridad sin splikashon.
Otro punto ta e hecho ku aunke mi mayornan a nenga semper ku mi ta un "jiu di sako" ami semper a tene na e pensamento ei,
ki otro splikashon tabata tin pa un persona ku ta sinti hopi biaha ora algu ta bai pasa? Pakiko ami tabata waak kos ku otronan
no ta waak? Pakiko te dia di awe mi por comunica of sinti hopi biaha loke mi juinan ta sinti. Masha hopi biaha !
mi ta jama mi jui ora e ta kla pa jamami, of mi ta lanta den anochi bai serka nan prome ku un di nan lanta spanta despues
di a sonja algu mahos. Mi ta detecta y sinti hopi kos prome nan pasa. I si ta algu mi tin hopi sterk ta e hecho ku mi por
sinti ora un hende ta ganja of ora e ta sincero, mi tin e kos aki ku mi ta jega na fondo di e berdad porque YES.
Manera mi a bisa ta kasi tur kos mi por asocia mi mes ku e articulo, e unico kos ku no ta cuadra kumi ta e kosnan electrico
ku ta faya of no ta funsiona, lo contrario ta pasa ku mi, desde mucha tabata asina ku ora un lampi of cualkier kos electronico
no tabata traha serka otronan serka mi si, mi por a pone traha, hopi biaha nan a bisami ku mi mester a bira un electricista
pasobra mi tabata por a pone e kosnan traha bek. Dus esaki ta e uniko kos ku ami tin net e omgekeerde di loke boso ta skirbi.
Manera mi a bisa anteriormente mi no ta convenci totalmente di e mucha indigo pero ku tin mucha (adultonan) diferente na
otronan, SI, ami ta un ehemplo. Un bez mas mi ta asombra di reconoce mi mes den tanto aspecto den boso articulo.
Semper hasta awor na adulto ora di solicita pa mi empleo, mi ta bisa sin ningun hende puntrami pero pa nan tin e den nan
records, Ku mi ta odia 3 kos y mi no kier ta testigo di ningun di nan: 1. Discriminashon den kualkier forma. 2.Inhusticia
den kualkier forma. 3 Mentira den kualkier forma.
Y ku e tres kosnan aki mi ta kere mi ta bisa hopi di mi personalidad & mi lealtad.
Saludos.
